بانکەکانی بەشدار لە 'هەژماری من' لە شار و شارۆچکەکان لق دەکەنەوە

ئاڤا نیوز

 

بانکەکانی بەشدار لەناو پڕۆژەی هەژماری من سنووری خزمەتگوزارییەکانیان فراوان دەکەن، لە شار و شارۆچکەکانی هەرێمی کوردستان لق دەکەنەوە، بۆ ئەوەی هاووڵاتییان بەباشترین شێوە دەستیان بە خزمەتگوزارییەکان ڕابگات.

 

وێنە گەورەکە: پرۆژەی "هەژماری من" سیستمێکی بانکی هەرێمی کوردستان و کارئاسانی پێشکەش بە مووچەخۆران دەکات، هاوکات پڕۆژەکە بەردەوامە لە فراوانبوون و لەو چوارچێوەیەدا هەشت بانک خزمەتگوزاریی پێشکەش دەکەن. 

 

لێدوانی تایبەت: تیمی هەژماری من بە ئاڤای گوت، "بانکەکان لە هەولێر، سلێمانی، دهۆک و هەڵەبجە لقیان کردووەتەوە و خزمەتگوزاری پێشکەش دەکەن، ئێستا کار لەسەر ئەوە دەکرێت لە زاخۆ، چەمچەماڵ و سۆران لق بکەنەوە."

 

ئەوەی پێویستە بیزانیت: بانکەکان بەگوێرەی پڕۆگرامی خۆیان خزمەتگوزاریی جیاواز پێشکەش دەکەن، گرنگترین خزمەتگوزاریش پێدانی قەرزە بەو کەسانەی هەژماری بانکیان هەیە.

 

ئەمەش بزانە: لە هەژماری من بانکی جیهان، بانکی ئاڕتی، بانکی بەغدا، بانکی عێراقیی ئیسلامی، بانکی ئەهلیی عێراقی، بانکی عێراقی بۆ بازرگانی TBI، بانکی BBAC، بانکی گەشەپێدانی نێودەوڵەتی IDB تۆمارکراون.