وەزارەتی ناوخۆ بۆ ئاڤا نیوز:  لێخۆشبوونی سزای هاتووچۆ درێژناكرێتەوە

ئاڤا نیوز

بڕیاری لێخۆشبوونی لە 20% ی قەرز و پێبژاردنی سزاکانی هاتووچۆ ئەمڕۆ کۆتایی دێت،  وەزارەتی ناوخۆش ڕایدەگەیێنێت هیچ بڕیارێک بۆ درێژکردنەوەی نییە.

بۆچی گرنگە: لێخوۆشبوونی 20% ی سزاکان کارئاسانی بوو بۆ هاووڵاتیان، بەتایبەت ئەو شوفێرانەی کە بەهۆی سەرپێچی هاتووچۆوە بڕێکی زۆر پارەیان لەسەر کەڵەکە بووە.

لێدوانی فەرمی: هێمن میرانی، بەڕێوەبەری گشتی دیوانی وەزارەتی ناوخۆی حکومەتی هەرێمی کوردستان بە ئاڤا نیوزی گوت: ئەمڕۆ بڕیارەکە کۆتایی دێت و وادەکەی درێژ ناکرێتەوە.

باکگراوند: بڕیاری لێخۆشبوون 20%ـی سزاکانی هاتووچۆ ڕۆژی 28-08-2023 بەرکار بووە، وەک هاندانێکی هاووڵاتییان بەمەبەستی پاکتاوکردنی قەرز و پێبژاردنەکانیان.