دوای ماوەیەک دابڕان؛ زەکەریا عەبدوڵڵا لە هەولێر دەرکەوتەوە

ئاڤا نیوز

دوای ماوەیەکی زۆر لە دوورکەوتنەوەی لە چاوی کامێراکان، نوێترین ڤیدیۆی هونەرمەندی ناوداری کورد زەکەریا عەبدوڵڵا لە شاری هەولێر بڵاوکرایەوە.

چیرۆکی سەرەکی: شەوی ڕابردوو، ڤیدیۆیەکی نوێی هونەرمەند زەکەریا عەبدوڵڵا لە تۆڕە کۆمەڵایەتییەکان بڵاوکرایەوە؛ وەک لە ڤیدیۆکەدا دەردەکەوێت، ناوبراو لە بۆنەیەکی کۆمەڵایەتیدا لە شاری هەولێر لەگەڵ چەند بەرپرس و کەسایەتییەکی ناسراو دەرکەوتووە.

زانیاریی زیاتر: زەکەریا عەبدوڵڵا، کە بە یەکێک لە خاوەن جەماوەریترین هونەرمەندەکانی کورد دادەنرێت، ماوەی 15 ساڵە هیچ بەرهەمێکی نوێی هونەریی بڵاونەکردووەتەوە، بەڵام هێشتا گۆرانییە کۆنەکانی لە نێو هەوادارانی چێژی تایبەتیان ماوە و بە "کۆننەبوو" دادەنرێن.

ئەمەش بزانە: هەر دەرکەوتنێکی ئەم هونەرمەندە، چ بە فۆتۆ بێت یان ڤیدیۆ، دەنگدانەوەیەکی فراوان لە تۆڕە کۆمەڵایەتییەکان دروست دەکات. زەکەریا خاوەنی دەیان گۆرانیی ناودارە، یەکێک لەوانە گۆرانی "نەمزانی"یە کە 26 ساڵ پێش ئێستا بڵاوکراوەتەوە و تاوەکو ئێستاش بینەر و بیسەرێکی زۆری هەیە.