جاکی چان منداڵەکانی لە میرات بێبەش دەکات

ئاڤا نیوز

لە بڕیارێکی سەیردا، ئەکتەری ناوداری جیهانی جاکی چان کە لەناو کورد بە جاکشان ناسراوە، دەیەوێت تەواوی سامانەکەی ببەخشێتە ڕێکخراوە خێرخوازییەکان و منداڵەکانی لێ بێبەش بکات.

چیرۆکی سەرەکی: جاکی چان کە لە فیلمەکان بە هونەری شەڕکردن و جووڵە سەرنجڕاکێشەکانی ناوبانگی دەرکردووە، نەریتە کۆنەکان دەشکێنێت و بڕیار دەدات تەواوی سامانەکەی کە 400 ملیۆن دۆلارە، لەبری ئەوەی بۆ منداڵەکانی بەجێبێڵێت، بە ڕێکخراوە خێرخوازییەکانی ببەخشێت.

ئەوەی لە بارەیەوە دەگوترێت: گۆڤاری فەن كە گرنگی بە ژیانی ناودارانی جیهان دەدات، بڵاویكردووەتەوە جاكی چان بۆچوونی وایە؛ پێویستە منداڵەكانی، خۆیان دواڕۆژی خۆیان دیاری بكەن و بەهیچ جۆرێك لەو سامانەی لە هۆڵیوود بەدەستیهێناوە، سوودمەند نابن.

باکگراوند: جاكی چان بەر لەو بڕیارەش، بە كارە خێرخوازییەكانی ناوبانگی دەركردبوو، لەو چوارچێوەیەشدا؛ ساڵی 1988 ڕێكخراوی خێرخوازی جاكی چانی دامەزراند، ئەمەش بەمەبەستی پێشكەشكردنی كۆمەك بۆ ناوچە وێرانبووەكانی ڕووداوە سروشتییەكان و پاڵپشتیكردنی پڕۆگرامی نەهێشتنی نەخوێندەواری لە وڵاتە تازە گەشەسەندووەكان.

ئەمەش بزانە: جاکی چان خەڵکی هۆنگ كۆنگە لە چین، ئێستا تەمەنی 70 ساڵە و خاوەنی کوڕ و کچێکە.