كامێرای چاودێرییەکان لە ترافیکەکانی هەولێر 5 جۆری سەرپێچی تۆماردەكەن

ئاڤا نیوز

 

لە ترافیكەكانی هەولێر ژمارەیەك كامێرای چاودێریی دانراون، ئاڤا زانیویەتی ئەو جۆرە كامێرایانە لەیەك كاتدا پێنج جۆری سەرپێچی تۆماردەكەن.

 

وێنە گەورەكە: بەمەبەستی پابەندكردنی شۆفێران بە ڕێنماییەكانی هاتووچۆ لەپێناو پاراستنی سەلامەتی هاووڵاتیان، بەڕێوەبەرایەتیی گشتیی هاتووچۆی هەولێر دەستیكردووە بە دانانی جۆرە كامێرایەك بە دووری بیست مەتر لە ترافیكەكان کە چەند جۆرێكی سەرپێچی تۆماردەكەن.

 

زانیاریی بەدەستهاتوو: كامێرای چاودێریی ترافیكەكان جۆری سەرپێچییەكانی: لێدان لە گڵۆپی سوور، خێرایی، بەزاندنی هێڵی وەستانی شەقام بۆ هاتووچۆی پیادە، داخیڵبوون لە دەستی ڕاستی ترافیكەكان، نەبەستنی پشتێنی سەلامەتی و بەكارهێنانی مۆبایل تۆماردەكات.

 

زانیاریی زیاتر: ئێستا ئەو كامێرایانە لە قۆناغی تاقیكاریدایە و لە چەند ترافیكێكی شاری هەولێر دانراون. لە ئاییندەیەكی نزیكدا دەكەونە كار و سەرپێچییەكان تۆماردەكەن.