بەڵگەنامەی مردنی هاووڵاتییەکی کەرکووک لە گرتووخانەی سیدنایا بڵاودەکرێتەوە

ئاڤا نیوز

 

بەڵگەنامەی مردنی هاووڵاتییەکی شاری کەرکووک کە لە گرتووخانەی سیدنایە زیندانی بوو بڵاودەکرێتەوە.

 

وێنە گەورەکە: لەدوای کەوتنی دەسەڵاتەکەی بەشار ئەسەد و هەڵاتنی بەرەو ڕووسیا، چەکدارانی تەحریرولشام سەرجەم دامەزراوە و فەرمانگەکانی سووریایان کۆنترۆڵکرد بە گرتووخانەکانیشەوە لە ناویاندا سیدنایا بوو کە بە ترسناکترین زیندانی بەشار ناوزەند دەکرێت، بەهۆی ئەوەی هەموو شێوازەکانی ئەشکەنجەدان و کوشتن لەو شوێنەدا تاقیکراوەتەوە. 

 

زانیاریی زیاتر: ئەو هاووڵاتییەی لەو گرتووخانەیە گیانی لەدەستداوە ناوی 'یوسف جاسم ڕاوییە' و لە دایکبووی ساڵی 1993یە، لە ساڵی 2019 دەستگیرکراوە لە 2021 گیانی لەدەستداوە، ناو بەڵگەنامەی مردنەکەی لە سوشیاڵ میدیا بڵاوکراوەتەوە.