فیدان بۆ بلینکن: چەکدارە کوردەکان لە سووریادا نابێت بمێننەوە

ئاڤا نیوز

 

لە پەیوەندییەکی تەلەفۆنیدا، وەزیری دەرەوەی تورکیا و وەزیری دەرەوەی ئەمریکا گفتوگۆیان لەبارەی دۆخی سووریا کرد. هاکان فیدان بە هاوتا ئەمریکییەکەی وتووە، چەکدارە کوردەکان لە سووریای نوێ جێگەیان نابێتەوە و نابێت لەو وڵاتەدا بمێننەوە.

 

ڕاگەیێنرای فەرمی: وتەبێژی وەزارەتی دەرەوەی تورکیا لە ڕاگەیێنراوێکدا ڕایگەیاند: لە پەیوەندییەکی تەلەفۆنیدا، هاکان فیدان، وەزیری دەرەوەی تورکیا بە ئەنتۆنی بلینکن، وەزیری دەرەوەی ئەمریکای ڕاگەیاندووە:

• ناتوانرێت ڕێگە بە پەکەکە و یەپەگە بدرێت لە ناو سووریا بمێننەوە، تورکیا وەک گرووپی تیرۆریستی دەڕوانێتە ئەو گرووپانە.

 

• تورکیا پاڵپشتی هەوڵەکانی حکومەتی نوێی سووریا دەکات بۆ دەستەبەرکردنی یەکپارچەیی خاک و ئاسایشی وڵاتەکە.

 

• گرنگە بە هاوکاری لەگەڵ ئیدارەی نوێی سوریا کاربکرێت لە پێناو دەستەبەرکردنی سەقامگیری لە سوریا و تەواوکردنی قۆناغەکانی گواستنەوەی دەسەڵات بە شێوەیەکی ڕێکوپێک.

 

ئەوەی پێویستە بیزانیت: ڕووبەڕووبوونەوەی هێزەکانی سووریای دیموکرات (هەسەدە) و گرووپەکانی نزیک لە تورکیا لە نزیک بەنداوی تشرین بەردەوامی هەیە، هێزە کوردییەکان لەڕێگەی موشەکەوە پێگەکانی گرووپەکانی نزیک لە تورکیا بۆردومان دەکەن و لەبەرامبەریشدا پێگەکانی هەسەدە لە کۆبانێ بۆردومان دەکات.

 

ئەمەش بزانە: بەگوێرەی زانیارییەکان هەسەدە لە ڕووبەڕووبوونەوەی دوو ڕۆژی ڕابردوو 17 چەکداری گرووپەکانی نزیک لە تورکیای کوشتووە.