پرسیاری نەتەوە و مەزهەب لە سەرژمێری گشتیدا لادەبرێت

ئاڤا نیوز

گوتەبێژی وەزارەتی پلاندانانی عێراق ڕایگەیاند، پرسیاری نەتەوە و مەزهەبیان لە فۆڕمی سەرژمێریی گشتیدا لابردووە.

بۆچی گرنگە: لابردنی پرسیاری نەتەوە و مەزهەب بەهۆی  ترس و گومانی هەندێك لایەنە، هاوكات هەندێك گرووپی تووندڕەو سوود لە زانیارییەكان وەربگرن.

ئەوەی پێویستە بیزانیت: لە 20 ی تشرینی دووەمی 2024 سەرژمێریی گشتیی دانیشتووانی عێراق دەستپێدەكات.

لێدوانی فەرمی: عەبدولزەهرە هنداوی، گوتەبێژی وەزارەتی پلاندانانی عێراق ڕایگەیاند: 130 هەزار كارمەند سەرژمێرییەكە بەڕێوەدەبەن، 431 یەكەی ئیداری بەشدار دەبن، 130 هەزار ئامێری تابلێتیش هاوردە دەكەن بۆ جێبەجێكردنی ئەو پڕۆژە نیشتمانییە.