سەرۆک بارزانی پیرۆزبایی سەرکەوتنی کۆنگرەی یەکگرتوو لە سەڵاحەددین بەهائەدین دەکات

ئاڤا نیوز

 

سەرۆك بارزانی پیرۆزبایی سەرکەوتنی كۆنگرەی یەكگرتووی ئیسلامی کوردستان لە سەڵاحەددین بەهائەدین دەكات و داوای هەماهەنگی و تەبایی نێوان سەرجەم هێز و لایەنە سیاسییەكانی كوردستانیش دەكات.

 

وێنە گەورەكە: ڕۆژانی 27 و 28 -12-2024، یەكگرتووی ئیسلامیی كوردستان كۆنگرەی نۆیەمی خۆی بەست و جارێكی دیكە سەڵاحەددین محەممەد بەهائەدین بە ئەمینداریی گشتیی یەكگرتوو هەڵبژێردرایەوە، هاوكات لە كۆی 19 كەس كە كاندید بوون، بۆ ئەندامی دەستەی باڵای چاودێری، 9 كەسیان كە پێكهاتوون لە شەش پیاو و سێ ژن دەنگی پێویستیان بەدەستهێنا.

 

ڕاگەیێنراوی فەرمی: بارەگای بارزانی ئەمرۆ یەكشەممە 29-12-2024، ڕاگەیێنراوێكی بڵاوكردەوە و تێیدا هاتووە؛ سەرۆک مەسعود بارزانی لەڕێگەی تەلەفۆنەوە پەیوەندی بە سەڵاحەددین بەهائەدین، ئەمینداری گشتیی یەکگرتووی ئیسلامیی کوردستان کرد و پیرۆزبایی سەرکەوتنی کۆنگرەی یەکگرتووی ئیسلامی و هەڵبژاردنی سەرکردایەتیی تازە و دووبارە هەڵبژاردنەوەی وەک ئەمینداری گشتیی یەکگرتووی ئیسلامیی کوردستان لە سەڵاحەددین بەهائەدین کرد و هیوای سەرکەوتنی بۆ خواست.

 

لەم پەیوەندییە تەلەفۆنییەدا سەرۆك بارزانی و ئەمینداری گشتیی یەکگرتووی ئیسلامیی کوردستان، جەختیان لە هەماهەنگی و تەبایی نێوان هێز و لایەنە سیاسییەکانی کوردستان كردەوە.