100 هەزار نەمام لە سنووری پارێزگای هەولێر چێنراون

ئاڤا نیوز

لە چوارچێوەی کارکردن بۆ ڕووبەڕووبوونەوەی گۆڕانکارییەکانی کەشوهەوا، لەو چوارچێوەیەدا تەنها لەمساڵدا  100 هەزار دار لە پارێزگای هەولێر چێنراون. 

 

وێنە گەورەکە: حکومەتی هەرێمی کوردستان، بەردەوامە لەسەر کارکردن بۆ زیادکردنی ڕێژەی سەوزای لە تەواوی ناوچەکان لە پێناوی دابینکردنی ژینگەیەکی تەندروست بۆ هاونیشتمانیان، بەهۆی بوونی سێ نەمامگەوە لە هەولێر کە ڕۆژانە سەدان دار بەرهەم دەهێنن، ڕێژەی سەوزایی پارێزگاکە نزیک دەبێتەوە لە 20%.

 

لێدوانی فەرمی: ڕێبین ئەحمەد، بەڕێوەبەری ئەندازەی پارکەکانی هەولێر بە ئاڤا میدیای گوت، "ئەمساڵ هەمان بەرهەمی ساڵی ڕابردوومان هەبووە، بەڵام داری زیاترمان چاندووە، بەشێوەیەک 50%ـی ڕێژەکە بۆ سەنتەری پارێزگای هەولێر و بەشەکەی دیکە بۆ سنووری شارەوانییەکانی دەرەوە دابین دەکرێت."

 

ئەوەی پێویستە بیزانیت: سیسمە، ئەلبیزیا، برەخت تۆنیا و واشنتن گرنگترین ئەو نەمامانەن کە لە سێ نەمامگەی هەولێر بەرهەمدەهێنرێن و دواتر لە ناوچە جیاوازەکاندا دەچێنرێن، پێنج بۆ شەش ساڵی دیکە بەرهەمەکان پێدەگەن و سەرجەم گەڕەکەکانی هەولێر دەگرێتەوە.