سەرۆکوەزیران مەسرور بارزانی پيرۆزبايى له‌ سه‌ڵاحه‌ددين به‌هائه‌دين ده‌كات

ئاڤا نیوز

 

سەرۆکوزیران مەسرور بارزانی به‌ بۆنه‌ى هه‌ڵبژاردنه‌وه‌ى به‌ ئه‌ميندارى گشتيى يه‌كگرتووى ئيسلاميى كوردستان، پيرۆزبايى له‌ سه‌ڵاحه‌ددين محه‌ممه‌د بەهائەدین دەکات.

 

وێنە گەورەکە: ئەمڕۆ دووشەممە‌، 30-12-2024، سەرۆکوەزیران مەسرور بارزانى بە ته‌له‌فۆن و به‌ بۆنه‌ى هه‌ڵبژاردنه‌وه‌ى به‌ ئه‌ميندارى گشتيى يه‌كگرتووى ئيسلاميى كوردستان و سه‌ركه‌وتنى كاره‌كانى كۆنگرەی نۆیەمی حیزبەکەیان، پيرۆزبايى له‌ سه‌ڵاحه‌ددين محه‌ممه‌د به‌هائه‌دين و يه‌كگرتووى ئيسلاميى كوردستان كرد و هيواى سه‌ركه‌وتنى بۆ خواستن.

 

ڕاگەیێنراوی فەرمی: لە پەیوەندییە تەلەفۆنییەکەدا، سەرۆکوەزیران وێڕای پیرۆزباییکردن، باسی لە قۆناغی هەستیاری ئێستا کرد و جەخت لە کارکردنی پێکەوەیی لە پێناو پاراستنی بەرژەوەندییە نیشتمانییەکان کرا.

 

لەلایەکی دیکەوە: ئه‌ميندارى گشتيى يه‌كگرتووى ئيسلاميى كوردستان، سوپاس و پێزانینی خۆی بۆ پەیوەندیی و پیرۆزباییکردنی سەرۆکی حکوومەت دەربڕی.

 

ئەوەی پێویستە بیزانیت: یەکگرتووی ئیسلامی کوردستان چەند ڕۆژێک بەر لە ئێستا بە ئامادەبوونی زیاتر لە 800 ئەندام نۆیەمین كۆنگرەی خۆی بەست و تێیدا سەڵاحەددین محەممەد بەهائەدین جارێکی دیکە وەک ئەمینداری گشتی یەکگرتوو هەڵبژێردرایەوە.