دوای پەیامەکەی ئیمرالی؛ جەهەپە پشتیوانی خۆی بۆ چارەسەرکردنی پرسی کورد دووپات کردەوە

ئاڤا نیوز

 

لە یەکەم کاردانەوەیدا دوای پەیامەکەی ئیمرالی، سەرۆکی جەهەپە پشتیوانی خۆی بۆ بەڕێوەچوونی ماوەیەکی چارەسەری شەفاف دەربڕی، ئەوەشی دووپات کردەوە کە زەمینەی سەرەکی چارەسەرکردنی پرسی کورد پەرلەمانی تورکیایە.

 

وێنە گەورەکە: لە دوای پەیامەکەی عەبدوڵڵا ئۆجەلان لە ئیمراڵی، پرسی چارەسەری ئاشتەوایی کورد لە تورکیا، کاردانەوەی پارتە جیاوازەکانی ناوخۆی ئەو وڵاتەی لێکەوتەوە، بەشێکیان لە دژی دەوەستنەوە و بەشێکی دیکەیان پشتیووانی دەکەن.

 

لێدوانی فەرمی: ئۆزگور ئۆزەل، سەرۆکی جەهەپە ڕایگەیاند:

- ئێمە هەر لەسەرەتاوە لەگەڵ ئەوەدابووین کە زمینەی چارەسەری پرسی کورد لە پەرلەمانە.

-دەبێت ئەو ماوەیە ڕەچاوی هەستیاری خێزانی شەهیدەکان بکەین.

- لەبەر ئەوەی وردەکاری لەسەر کۆی ڕووداوەکان نازانم، ناتوانم جارێ ڕای خۆم لەسەر پرسەکە بخەمە ڕوو.

- لە نزیکەوە چاودێری دۆخەکە دەکەین.

- لەگەڵ هەموو لایەنەکان لە دیالۆگداین و هەموو کەناڵەکانی پەیوەندیکردنمان بە کراوەیی دەهێڵینەوە.

 

ئەوەی پێویستە بیزانیت: جەهەپە هەر لەسەرەتاوە پشتیووانی دەم پارتی و پرسی ئاشتەوایی کردووە، پێشووتریش سەردانی سەڵاحەددین دەمیرتاش، سەرۆکی پێشووی هەدەپەمان لە زیندان کردووە.