ساڵنامەی نوێی تاقیکردنەوەکانی سلێمانی، هەڵەبجە، گەرمیان، ڕاپەڕین و کۆیە ڕاگەیێنرا

ئاڤا نیوز

 

وەزارەتی پەروەردەی هەرێمی كوردستان، ساڵنامەی نوێی تاقیكردنەوەكانی بۆ ناوچەکانی سلێمانی، هەڵەبجە، گەرمیان، ڕاپەڕین و کۆیە.

وێنە گەورەکە: بە هۆکاری ئەوەی کە لە سنووری پەروەردەکانی سلێمانی، هەڵەبجە،گەرمیان، ڕاپەڕین و کۆیە لە دوای 09-01-2024، خوێندن دەستیپێکرد، هەر بەمهۆیەوە ساڵنامەی نوێی تاقیکردنەوەکان لەو ناوچانە پەسەندکرا.

 

نووسراوی فەرمی: لە نووسراوەکێدا کە واژۆی بەڕێوەبەرەکانی پەروەردەکانی ، سلێمانی، هەڵەبجە، گەرمیان، ڕاپەڕین و کۆیەی لەسەرە هاتووە، بۆ ئەو ناوەندانەی کە لە دوای 09-01-2024، دەستیان بە خوێندن کردووە و لەپێناو بەرژەوەندیی گشتی و بۆ ئەوەی زۆرترین ڕۆژ وانە بخوێنرێت بەم ڕۆژ و ڕێککەوتە تاقیکردنەوە ئەنجام بدەن:

 

1- بۆ هەموو قۆناغەکانی خوێندن لە پۆلی (4ـی بنەڕەتی تاوەکو 12ـی ئامادەیی) تاقیکردنەوەی نیوەی وەرز لە (20) نمرە لە ڕێککەوتی (06-03-2024) دەستپێدەکات و لە ڕێککەوتی (19-03-2024) کۆتایی دێت.

 

2- تاقیکردنەوەی کۆتایی وەرز بۆ پۆلەکانی (4ـی بنەڕەتی تاوەکو 11ـی ئامادەیی) جگە لە پۆلی (9)ـی بنەڕەتی لە ڕێککەوتی (19-05-2024) سێشەممە، تاوەکو (30-05- 2024) شەممە، لەسەر (60) نمرە دەکرێت. 

 

3- پێویستە لە ماوەی (09-01-2024 تاوەکو 19- 05- 2024) دوو هەڵسەگاندن لەلایەن مامۆستایەنەوە دەکرێت، هەریەکەیان لەسەر (10) نمرە بێت.

 

4- تاقیکردنەوەی کۆتایی وەرز بۆ پۆلی (9)ـی بنەڕەتی لەسەر (60) نمرە لە ڕێککەوتی (21-04-2024) دەستپێدەکات و لە ڕێککەوتی (30-04-2024) کۆتایی دێت.

 

5- تاقیکردنەوەی کۆتایی وەرز بۆ پۆلی (12) ئامادەیی لە ڕێککەوتی (28-04-2024) دەستپێدەکات و لە ڕێککەوتی (06-05- 2024) کۆتایی دێت.

 

6- هەڵسەگاندنی کۆتایی وەرز بۆ بازنەی یەکەم لە ڕێککەوتی (14-15-16/05/2024) دەکرێت.

 

7- ئەو ناوەندانەی کە پۆلی (9)ـی بنەڕەتیان هەیە پێویستە تاوەکو ڕۆژی یەکشەممە ڕێککەوتی (05-05-2024) نمرە بە ڕێژەی %40 داخڵ بکەن.