پارێزگاری هەولێر: زیانەکانی بازاڕی لەنگە خەمڵێنراون

ئاڤا نیوز

 

دوای ئەوەی شەوی ڕابردوو، ئاگرێکی گەورە لە بازاڕی لەنگەی هەولێر کەوتەوە، دەمودەست تیمەکانی بەرگریی شارستانی گەیشتنە شوێنی ڕووداوەکە و لە ماوەیەکی کەمدا ئاگرەکەیان کۆنترۆڵکرد.

 

ڕاگەیێنراوی فەرمی: ئومێد خۆشناو، پارێزگای هەولێر ڕایگەیاند: "ئاگرەکە گەورەبوو و کۆنتڕۆڵکردنی ئاسان نەبوو، هەموو هەوڵێکی تیمەکانیش بۆ ئەوە بوو ئاگرەکە کەمترین زیانی هەبێت و کەلوپەلی کاسبکارانیش ڕزگار بکرێت".

 

ژمارەکان وادەڵێن: بەهۆی ئاگرەکەوە 166 دووکانی بازاڕەکە سووتان، ئەمە جگە لەوەی 90 کەس لە کارمەندانی بەرگریی شارستانی و کاسبکارانی بازاڕەکە بەهۆی دووکەڵی ئاگرەکەوە تەندروستیان تێکچوو.

 

ئەوەی پێویستە بیزانیت: پارێزگاری هەولێر لیژنەیەکی تایبەتی لە سەرجەم لایەنەکان پێکهێناوە بۆ لێکۆڵینەوە و بەدواداچوون لە هۆکاری ڕوودانی ئاگرەکە، هەر ئەمڕۆش دوای خەمڵاندنی زیانەکان، تیمەکانی شارەوانی بازاڕەکەیان پاککردەوە.