دەفتەری چارەسەری مانگانە بۆ پێشمەرگە دروست دەکرێت

ئاڤا نیوز

 

بەمەبەستی چارەسەرکردنی ئەو پێشمەرگانەی نەخۆشی درێژخایەنیان هەیە، نەخۆشخانەی پێشمەرگە دەفتەری چارەسەری مانگانەیان بۆ دروست دەکات.

 

وێنە گەورەکە: ڕۆژی 2-1-2025، نەخۆشخانەی پێشمەرگە لە هەولێر سەرجەم پێشمەرگە و کەسوکاری شەهیدانی ئاگادار کردەوە، کە دوای سەری ساڵ دەفتەری چارەسەری مانگانە بۆ نەخۆشخانی درێژخایەن دروست دەکرێت.

 

ڕاگەیێنراوی فەرمی: نەخۆشخانەی پێشمەرگە ڕایگەیاند: بە هەوڵ و کۆششی بەڕێوەبەرایەتیی کاروباری تەندروستی وەزارەتی پێشمەرگە، توانرا نەخۆشخانەی پێشمەرگە ببێتە ناوەندێکی تەندروستی بۆ دابینکردنی دەرمان بۆ ئەو پێشمەرگانەی نەخۆشی درێژخایەنیان هەیە.

 

بەگوێرەی ڕاگەیێنراوەکە، دوای پشووەکانی سەری ساڵ، بۆ ئەو چارەخوازانەی کە نەخۆشی درێژخایەنیان هەیە، بە مەبەستی وەرگرتنی دەرمانی مانگانە دەفتەری چارەسەری مانگانە لە نەخۆشخانەی پێشمەرگە دروست دەکرێت.

زانیاریی زیاتر: ڕۆژی 7-1-2025، لیژنە بۆ چاوپێکەوتنی نەخۆشەکان دەستبەکار دەبێت.

 

ئەوەی پێویستە بیزانیت: دەفتەری چارەسەری مانگانە تەنیا بۆ پێشمەرگە و کەسوکاری شەهیدان و کەسی پلەیەکی ئەم دوو توێژە دروست دەکرێت.

 

ئەمەش بزانە: نەخۆشخانەی پێشمەرگە دوو ژمارەی لەگەڵ ئاگادارکردنەوەکە داناوە، بۆ ئەوەی هەر چارەخوازێک پێویستی بە دروستکردنی دەفتەر هەبێت، لە ڕێی ئەم ژمارانەوە پەیوەندییان پێوە بکات، (07502355830-07512236696).