ئەم هەفتەیە پارتی و یەکێتی لە ئاستە جیا جیاکان کۆدەبنەوە

ئاڤا نیوز

 

 لە ساڵی نوێدا پارتی و یەكێتی یەکەم کۆبوونەوەیان دەکەن و دوو ئەندامی شاندی یەکێتی لەگەڵ هاوتاکانیان لە شاندی پارتی هەڵوەستە لەسەر كاراكردنی چۆنێتی پێكەوە كاركردن لەسەر ئاستە جیاجیاكان دەکەن.

 

وێنە گەورەکە: 17ـی مانگی 12ـی ساڵی ڕابردوو شاندی دانوستاندنکاری پارتی و یەکێتی لە پیرمام کۆبوونەوە و بڕیاردرا بەردەوامی بە کۆبوونەوەی نێوانیان بدرێت، تا لە زووترین دەرفەتدا بگەن بە خاڵی هاوبەش و هەنگاوەکانی پێکهێنانی کابینەی دەیەمی حکومەتی هەرێمی کوردستان خێرا بکرێت.

 

لێدوانی فەرمی: سەعدی پیرە، وتەبێژی یەکێتیی نیشتمانیی کوردستان دەڵێت: "شاندی یەكێتی لە د.ڕێواز فایەق و ئامانج ڕەحیم پێکدێن، لەم هەفتەیەدا لەگەڵ هاوتاکانیان لە شاندی پارتی کۆدەبنەوە.

 

زانیاریی زیاتر: لە كۆبوونەوەكەدا گفتوگۆ لەسەر چۆنێتی پێكەوە كاركردن لەسەر ئاستە جیاجیاكان دەكرێت و باسی خاڵە هاوبەش و ناكۆكییەكانی هەردوولاش دەخرێتە بەرباس.