ئەحمەد مەلا تەلاڵ: کوردستان لای من پیرۆزە و پارێزگاری لێدەکەم

ئاڤا نیوز

 

ئەحمەد مەلا تەلاڵ، پێشکەشکاری کەناڵی یو تیڤی عێراقی، لە دوایین بەرنامەیدا کوردستان بە پیرۆز و خۆیشی وەک پارێزەری کوردستان وەسف دەکات.

 

چیرۆکی سەرەکی: ئەحمەد مەلا تەلاڵ لەبارەی گفتوگۆی خۆی و میوانێکی لە بەرنامەی پێشووتریدا ڕوونکردنەوە دەدات، ئەوەش دوای ئەوەی قسەکانی نیگەرانی لە شەقامی کوردستان لێکەوتەوە و سکاڵاشی لەسەر تۆمار کرا.

 

لێدوانی فەرمی: مەلا تەلاڵ دەڵێت:

- من لە هەموو کوردێک زیاتر پارێزگاری لە کوردستان دەکەم و کوردستان بە پیرۆز دەزانم.

- ئەگەر مام جەلال و کورد، کەرکووک بە قودسی کوردستان بزانن، من کوردستان بە قودسی عێراق دەزانم و شانازیی زۆر بە هەرێمی کوردستانەوەدەکەم.

- من پەیوەندیی زۆر باشم لەگەڵ سیاسییەکانی کوردستان بە پارتی و ئەوانەی دەرەوەی پارتیش هەیە و زۆر ڕێزی کورد دەگرم.

- قسەکانم لە بەرژەوەندیی هەرێمی کوردستاندا بووە، چونکە ئەو بڕیارانەی لە دادگەی فیدراڵی دەرچوون هەرێمی کوردستان دەگەڕێننەوە بۆ پارێزگاکان و ئەو گوشارە زۆرەی لە ناوخۆ و دەرەوەی عێراقیش دەکرێتە سەر هەرێمی کوردستان هەر بۆ مەرکەزیەتە لە بڕیاردان.