سەرۆکوەزیرانی کەنەدا دەست لەکار دەکێشێتەوە

ئاڤا نیوز

 

دوای 9 ساڵ مانەوە لە پۆستەکەی، جەستن ترۆدۆ لە سەرۆکایەتیی پارتی لیبڕاڵی کەنەدا دەست لەکار دەکێشێتەوە.

 

وێنە گەورەکە: دوای دەستلەکارکێشانەوەی وەزیری دارایی و جێگری سەرۆکوەزیران لە 2024-12-16، لەسەر دۆسیەی خەرجییەکان، ئەندامانی پارتەکەی زیاتر سوور کرد لەسەر داواکارییان بۆ دەستلەکارکێشانەوەی جەستن ترۆدۆ، کە دەیەوێت پێش کۆبوونەوەی پارتەکەی دەستلەکارکێشانەوەکەی ڕابگەیەنێت، چونکە چاوەڕوان دەکرێت لەلایەن ئەندامانی پارتەکەی دەنگ بە دوورخستنەوەی لە پۆستەکەی بدرێت.

 

لێدوانی فەرمی: سەرچاوەیەکی نزیک لە سەرۆکوەزیرانی کەنەدا ڕایگەیاند: دڵنیانین پلانی پارتی لیبڕاڵ چییە بۆ جێگرەوەی جەستن ترۆدۆ، دیارنییە کە دوای ڕاگەیاندنی دەستلەکارکێشانەوەی لە سەرۆکایەتیی پارتەکەی لەهەمانکاتدا لە پۆستی سەرۆکوەزیران دەمێنێتەوە تا سەرۆکێکی دیکە بۆ پارتەکە دیاری دەکەن.

 

باکگراوند: پارتی لیبڕاڵ دوو بژاردەی لەبەردەمدایە: دانانی سەرکردەیەکی کاتی لەسەر ڕاسپاردەی کۆنگرەی نیشتمانی یان ئەنجامدانی کێبڕکێی سەرکردایەتی. ئەمەی دووەمیان پێویستە سەرۆکوەزیران داوای بکات کە پارێزگاری گشتی ماوەی پەرلەمان درێژ بکاتەوە، کە پسپۆڕانی دەستووری دەڵێن ئەم بژاردەیەیان گەرەنتی نییە.