باڵیۆزخانەی ژاپۆن لە عێراق: هەرێمی کوردستان بۆ کاری بازرگانی شوێنێکی ئارام و سەقامگیرە

ئاڤا نیوز 

 

سکرتێری یەکەمی باڵیۆزخانەی ژاپۆن لە عێراق جەخت دەکاتەوە کە هەرێمی کوردستان شوێنێکی گرنگە و ئارام و سەقامگیرە بۆ کاری بازرگانی. 

 

لێدوانی فەرمی: ساتو یوشیهارو، سکرتێری یەکەمی باڵیۆزخانەی ژاپۆن لە عێراق لە بەشی ئابووری ڕایگەیاند: هەرێمی کوردستان توانایەکی گەورە و باشی هەیە، بەتایبەت لە بواری  بازرگانیدا، دەبێت خەڵکی خۆمان بەتایبەت کۆمپانیا ژاپۆنییەکان تێبگەیێنین کە هەرێمی کوردستان شوێنێکی گرنگە، هانی کۆمپانیا ژاپۆنییەکان دەدەم لەم هەرێمەدا وەبەرهێنان بکەن. 

 

زانیاریی زیاتر: سکرتێری یەکەمی باڵیۆزخانەی ژاپۆن لە عێراق پشتیوانی وهاوکاری بۆ هەرێمی کوردستان دووپاتدەکاتەوە و دەڵێت "لەڕووی تەکنیک هەوڵمان داوە لە گەشەسەندنی ژێرخانی ئابووریی هەرێمی کوردستان هاوکاربین. 

 

بابەتی ستراتیژی: پێویستە کۆمپانیا ژاپۆنییەکان ئاگادار بکەین و تێیان بگەیەنین ئەم هەرێمە ئارامە سەقامگیرە سەلامەتە، ئەمە گرنگترین خاڵە بۆ سەرمایەگوزارێک.