وەرزی قەدەغەکردنی ڕاوە ماسی ڕاگەیێنرا

ئاڤا نیوز

 

بۆ پاراستنی سامانی ماسی لە هەرێمی کوردستان، بەڕێوەبەرایەتیی گشتیی سامانی ئاژەڵ و ڤێتێرنەری وەرزی قەدەغەی ڕاوە ماسی لە هەرێمی کوردستان دیاری کرد.

 

بۆچی گرنگە؟ ئەو ماوەی بۆ قەدەغەی ڕاوە ماسی دیاریکراوە، بە ماوەی دانانی گەڕای ماسی و ماوەی زیادبوونی سامانی ماسی هەژمار دەکرێت، بۆیە ڕاوکردن لەو ماوەیە قەدەغەکراوە.

 

بڕیاری فەرمی: بەڕێوەبەرایەتیی گشتیی سامانی ئاژەڵ و ڤێتێرنەری ڕاگەیاند: "لە پێنجی ئادار تاوەکو 15ـی حوزەیرانی 2024 لە تەواوی ناوچەکانی هەرێمی کوردستان، ڕاوکردنی ماسی قەدەغە دەکرێت".

 

زانیاریی زیاتر: بەپێی نووسراوەکە، 16ـی حوزەیرانی ئەمساڵ ڕاوکردن ئاسایی دەبێتەوە.