بازرگانێک بەتۆمەتی ساختەکردنی ماوەی بەسەرچوونی کەرەستەی جوانکاری دەستگیرکرا

ئاڤا نیوز 

 

ئاسایشی دهۆک بە تۆمەتی فێڵکردن لە خەڵک بازرگانێک دەستگیر دەکات کە کەلوپەلی ماوە بەسەرچووی بە خەڵک فرۆشتووە. 

ڕاگەیێنراوی فەرمی: ئاسایشی دهۆک ڕایگەیاند، ئەم بازرگانە کۆ کەلوپەلی جوانکاری و کۆزمەتیکی هەبووە، کۆگایەکی هەبووە پڕ بووە لە بابەتی جوانکاری ژنانە، وەکو ئۆکسجینی قژ و ماکیاژ و چەندین بابەتی دیکە. 

ئەوەشی خستەڕوو کە زۆربەی کەلووپەلەکەی بەسەرچوو بووە، لەسەر هەموو کارتۆنەکان بەرواری بەسەرچوونەکەی گۆڕیون تا ساڵی 2028.

ئەوەی پێویستە بیزانیت: ئێستا کۆگاکە لەلایەن ئاسایشەوە دەستیبەسەر داگیراوە و ئەو بازرگانەش دەستگیرکراوە.