مووچەی نزیکەی هەزار خانەنشینی سنووری سلێمانی ڕادەگیرێت

ئاڤا نیوز 

 

ژمارەیەک خانەنیشنانی سلێمانی ماوەی دوو مانگە مووچەکانیان ڕاگیراوە تاوەکو ئێستا خەرج نەکراوە، هۆکارەکەشی بۆ تەواونەکردنی ڕێکارەکانی بایۆمتری و ژمارەی وەزیفی (یو پی ئێن)ـە, ئاڤا زانیویەتی کە مووچەکان نافەوتێت و دوای تەواو کردنی بایۆمەتری پێیان دەدرێت. 

 

وێنە گەورەکە: کۆتایی ساڵی 2024 دوایین وادە بوو بۆ ئەوەی سەرجەم مووچەخۆرانی هەرێمی کوردستان بایۆمەتری بکەن و دواتر لە فەرمانگەکانیان مامەڵەی ژمارەی وەزیفی بکەن، کە ئەمانە بەشێکن لە داواکارییەکانی حکومەتی فیدڕاڵی بۆ خەرجکردنی مووچەی مووچەخۆران.

 

زانیاریی تایبەت: ئاڤا لە سەرچاوەیەکی نێو بەڕێوەبەرایەتی خانەنشینی سلێمانی زانیویەتی، کە نزیکەی هەزار خانەنشینی مەدەنی مووچەکانیان ڕاگیراوە و خەرج ناکرێت، چونکە تاوەکو ئێستا مامەڵەی بایۆمتری و ژمارەی وەزیفیان نەکردووە، زۆرینەیان دانیشتووی دەرەوەی وڵاتن.

 

ئەمەش بزانە: مووچەی ئەو خانەنشینانە نافەوتێت دوای تەواوکردنی ڕێکارەکان، مووچەکانیان لە بانکەکانەوە دانراوە و  بەیەکەوە وەردەگرنەوە.