جۆ بایدن: پەشیمانم لە ڕکابەریی هەڵبژاردن کشامەوە

ئاڤا نیوز 

 

جۆ بایدن، سەرۆکی ئەمریکا لە نوێترین لێدوانی ئاشکرای دەکات کە پەشیمانە لە بڕیاری کشانەوەی لە ڕکابەریی هەڵبژاردنی سەرۆکایەتیی ئەمریکا.

 

وێنە گەورەکە: دوای گوشارەکانی حیزبی دیموکرات، جۆ بایدن وەک کاندید بۆ هەڵبژاردنی سەرۆکایەتی ئەمریکا ناچار بوو بکشێتەوە، بەتایبەت دوای ئەوەی لە چەند دیبەیتێکی بەرامبەر ترەمپ شکستی هێنا.

 

لێدوانی فەرمی: جۆ بایدن، سەرۆکی ئەمریکا لە دوایین لێدوانیدا بۆ USA today ڕایگەیاند: 

 

- هەست بە بێزاری دەکەم و تاکە بەربژێر بووم دەمتوانی لە هەڵبژاردن ڕووبەڕووی دۆناڵد ترەمپ ببمەوە. 

 

ئەگەر بەردەوام بوومایە لە کاندیدبوون لە هەڵبژاردنی سەرۆکایەتی، بێگومان دەمتوانی شکست بە ترەمپ بهێنم، بەڵام کەس نازانێت دۆخەکە چۆن دەبێت کاتێک لە تەمەنی 86 ساڵی سەرۆکایەتی دەکەم. بۆیە خۆم نەمویستووە لەو تەمەندا ببمە سەرۆک.

 

ئەوەی پێویستە بیزانیت: دۆناڵد ترەمپ لە کاتی دیبەیتەکانی لەگەڵ دۆناڵد ترەمپ خاڵی زۆر لاوازی لە ڕاپرسییەکان تۆمارکردبوو. بۆیە بەشێک لە شارەزایان دەڵێن، درەنگ کشانەوەی لە کاندیدبوون دەرفەتی کەمی لە بەردەم هاریس هێشتبووەوە بۆ ئەوەی لە هەڵمەتی هەڵبژاردن کار بکات.