دوای بەدواداچوونی بەردەوامی ئاڤا بافڵ تاڵەبانی لە بڕیارێک پەشیمان دەبێتەوە

ئاڤا نیوز

 

 دوای فشارێکی زۆری میدیایی و خۆپێشاندان و ناڕەزایی، بافڵ تاڵەبانی، سەرۆکی یەکێتیی پاشگەزبوویەوە لە بڕیاری دەستبەسەردا گرتنی ئۆتۆمبێلی مەلیکە و ئۆتۆمبێلە بێ سەرەتاکان لە سنووری پارێزگای سلێمانی.

زانیاریی تایبەت: وەکو یەکەم میدیا، ئاڤا ئاشکرایکرد، ئەم ئۆتۆمبێلانە چۆن ئیدارەی گشتیی یەکێتی هێنایە گەرمیان و سلێمانی، دوای تەواوبوونی هەڵبژاردنی پەرلەمانی کوردستان بڕیاریدا قەدەغەیان بکات و دەستیشیگرت بەسەر هەندێکیاندا. سەرچاوەیەکیش لە هاتووچۆی سلێمانی دەڵێت، هەواڵ و بەدواداچوونەکانی ئاڤا بۆ کەیسی مەلیکەو ئۆتۆمبێلە بێ سەرەتاکان، کاریگەری هەبوو لەسەر ئەم بڕیارەی ئێستای پافڵ تاڵەبانی.

لەلایەکی دیکەوە: وەزارەتی ناوخۆی کوردستان ڕەخنە لە شێوازی نەهێشتنی ئەو ئۆتۆمبێلانە گرتبوو، بەوەی دەبێت بەشێوازێک نەهێڵدرێن کە خەڵکی هەژار زەرەر نەکات.

ئەوەی ئێستا ڕوودەدات: بڕیارە ئەو ئۆتۆمبێلانەی دەستیان بەسەردا گیرابوو، بدرێنەوە خاوەنەکانیان. هەروەها بڕیار درا لەمەودوا ڕێگری بكرێت لە داخڵكردن و  هاوردەكردنی ئۆتۆمبێلی بێ سەرەتا لە هەرێمی كوردستان. 

 

ئەوەی ێویستە بیزانیت: لەمەودوا ڕێگە بە پێشەنگاكانی ئۆتۆمبێل نادرێت بەهیچ شێوەیەك كڕین و فرۆشتن بەو ئۆتۆمبێلە بێ سەرەتایانە بكرێت.

لێدوانی فەرمی: هاونیشتمانییەک خاوەنی ئۆتۆمبێلی مەلیکەیە بە ئاڤای گوت، ئەم ئۆتۆمبێلانە ئیدارەی گشتی یەکێتی هێناویەتی بۆ سلێمانی و گەرمیان، بۆیە دەبێت یەکێتی خۆی چرەسەری ئەم بابەتە بکات.