بڕیاری ڕاگرتنی هاتووچۆی نێوان هەرێمی کوردستان و ئێران هەڵپەسێردرا

ئاڤا نیوز

 

لەکاتێکدا دەروازەی نێودەوڵەتی باشماخ ڕایگەیاند، بەهۆی هەڵبژاردنەوە هاتووچۆ لەنێوان هەرێمی کوردستان و ئێران ڕادەگیرێت، لەبەرامبەردا وەزارەتی ناوخۆی ئێرانە ئاگاداری کردنەوە کە ئەو بڕیارەی پێشوو هەڵپەسێردراوە.

 

وێنە گەورەکە: وێڕای ئەوەی سبەی هەینی هەڵبژاردنەکانی پەرلەمان و ئەنجوومەنی شارەزایانی ڕێبەری لە ئێران بکرێت، هاتووچۆ لە دەروازەکانی نێوان هەرێمی کوردستان و ئێران ڕاناگیرێت.

 

ڕاگەیێنراوی فەرمی: بەڕێوەبەرایەتیی کۆمەڵگەی دەروازەی نێودەوڵەتیی باشماخ دوای ئەوەی ڕایگەیاندبوو هاتووچۆ لەگەڵ ئێران ڕادەگیرێت، لە ڕاگەیێنراوێکی دیکەدا ڕایگەیاند: لەلایەن وەزارەتی ئێرانەوە ئاگادارکراینەوە کە ئەو بڕیارەی پێشوو هەڵپەسێردراوە و هاتووچۆی گەشتیاری و بازرگانی ئاسایی دەبێت و ڕاناگیرێت.