دەزگای هەواڵگریی سوێد: پەکەکە سەرانە لە کوردانی نیشتەجێی سوێد دەسەنێت

ئاڤا نیوز

 

دەزگای هەواڵگریی سوێد (سێپۆ)، ڕێکخراوی پارتی کرێکارانی کوردستان (پەکەکە) تۆمەتبار دەکات بە سەندنی سەرانە لە کوردانی نیشتەجێی سوێد. 

 

لێدوانی فەرمی: فرێدریک هاڵسترێم، بەرپرسی ئۆپەراسیۆنەکان لە دەزگای هەواڵگریی سوێد ڕایگەیاند: پەکەکە کە وەک ڕێکخراوێکی تیرۆریستی ناسێنراوە، بەردەوامە لەوەی بەزۆرەملێ و بە هەڕەشەکردن پارە کۆبکاتەوە و چالاکییەکانی پەکەکە لەم ڕووەوە بەرفراوانە.

 

لەلایەکی دیکەوە: سووسانا ترێهۆرینگ، بەرپرسی یەکەی کاروباری دژەتیرۆر لە دەزگاکە دەڵێت "چالاکییەکانی پەکەکە بەرفراوانە، چەندان ساڵە بەردەوامە و تەنیا لە سوێد نییە".

 

زانیاریی زیاتر: ساڵی پار، کەسێک حوکمدرا بە زیندانیکردن بەهۆی ئەوەی هەوڵی دا بە دەمانچە و هەڕەشەکردن پارە بۆ پەکەکە کۆبکاتەوە؛ بەڵام دوای ئەم حوکمدانەش، "چالاکییەکانی پەکەکە بۆ پارە کۆکردنەوە کەمی نەکردووە".