نێچیرڤان بارزانی و بافڵ تاڵەبانی سەردانی بەغدا دەکەن

ئاڤا نیوز 

 

دوای کۆبوونەوەی ئەمڕۆی ئەنجوومەنی وەزیران، نێچیرڤان بارزانی، سەرۆکی هەرێمی کوردستان و بافڵ تاڵەبانی، سەرۆکی یەکێتی نیشتمانی کوردستان دەچنە بەغدا و بەشداریی لە کۆبوونەوەی هاوپەیمانیی ئیدارەی دەوڵەت دەکەن کە سەرجەم لایەنە پێکهێنەرەکانی حکومەتی عێراق لەخۆدەگرێت و بڕیارە سبەی شەو کۆبوونەوەکە بکرێت.

 

وێنە گەورەکە: لایەنە سیاسییەکانی هەرێمی کوردستان بەڕێگەی جیاواز فشاری سیاسیی لە حکومەتی فیدراڵی دەکەن بۆ گەرەنتیکردنی مووچە و شایستە داراییەکانی هەرێمی کوردستان، ڕۆژی شەممە کۆبوونەوەیەک لەسەر ئاستی باڵا لە هەولێر ڕێکخرا، کێشە هەڵواسراوەکانی نێوان حکومەتی هەرێمی کوردستان و حکومەتی فیدراڵی ڕێکخرا، پەیامێک لەبارەی گەرەنتیکردنی مافەکانی هەرێمی کوردستان دەکرێت.

 

لێدوانی فەرمی: ڕێباز حەملان، بریکاری وەزارەتی دارایی عێراق لەمیانی بەشداریکردنی لە گەشتی هەواڵەکانی سەعات 07:00ی ئاڤا میدیا گوتی، "سبەی سەرۆکی هەرێمی کوردستان و سەرۆکی یەکێتی نیشتمانی کوردستان لە بەغدا بەشداری لە کۆبوونەوەی هاوپەیمانیی ئیدارەی دەوڵەت دەکەن و لە دەرچەیەکدا تیشک دەخەنە سەر مووچە و شایستە داراییەکانی هەرێمی کوردستان.

 

ئەمەش بزانە: لە کۆبوونەوەی ئەمڕۆی هەولێر جەخت لەوەکراوەتەوە کە هیچ شاندێکی هەرێمی کوردستان بۆ چارەسەری کێشەکان سەردانی بەغدا ناکات، دەبێت لە ماوەیەکی دیاریکراو حکومەتی فیدراڵی گرەنتی پێدانی مافەکانی هەرێمی کوردستان بکات.