مونا قەهوەچی: دەبێت عێراق لە جێبەجێکردنی مافە دەستوورییەکان پابەند بکرێت

ئاڤا نیوز

 

هەوڵەکان بۆ بەدەستهێنانی مووچە، شایستە دارایی و مافە دەستوورییەکانی هەرێمی کوردستان بەردەوامە، لەوبارەیەوە مونا قەهوەچی دەڵێت، "دەبێت عێراق لە جێبەجێکردنی مافە دەستوورییەکان پابەند بکرێت."

 

وێنە گەورەکە: دوای کۆبوونەوەکەی هەولێر، بڕیارە نێچیرڤان بارزانی، سەرۆکی هەرێمی کوردستان زنجیرەیەک کۆبوونەوە لەگەڵ چوار سەرۆکایەتییەکەی عێراق و لایەنە سیاسییەکان لە بەغدا ئەنجام بدات، تاوەکو لەمبارەیەوە دوایین پەیامی هەولێر بگەیێنێتە بەغدا.

 

لێدوانی فەرمی: مونا قەهوەچی، جێگری سەرۆکی پارتی چاکسازیی تورکمان و پەرلەمانتاری كوردستان بە ئاڤا میدیای ڕاگەیاند: پێویستە حکومەتی عێراق پابەند بکرێت بەوەی هەموو ماددەکانی دەستوور جێبەجی بکرێت، نەک تەنها ئەوانەی لە بەرژەوەندی عێراق و دژی هەرێمی کوردستانن.

 

مونا قەهوەچی دەشڵێت:

-کۆبوونەوەکەی ئەنجوومەنی وەزیران لە کات و ساتێکی گونجاودا بوو.

-بەشدارینەکردنی چەند لایەنێک خۆدزینەوەیە لەو هەڵوێستەی بۆ داکۆکیکردن لە مافی خەڵک لە ئارادایە.

-دەبێت لایەنە سیاسییەکان پێداگری لە مافی خەڵک بکەن و بەرپرسیارێتیی ڕاستەقینەی خۆیان لە عێراق نیشان بدەن.