شاندێکی ئیسرائیل بەمەبەستی گفتوگۆ لەسەر ئاگربەستی غەززە سەردانی قەتەر دەکات

ئاڤا نیوز

 

لەسەر داوای بنیامین نەتانیاهۆ، سەرۆکوەزیرانی ئیسرائیل، بڕیارە شاندێکی دانووستاندن کار بەمەبەستی گفتوگۆ کردن لەسەر پرسی ئاگربەستی غەززە سەردانی قەتەر بکات. 

 
ڕاگەیێنراوی فەرمی: نووسینگەی بنیامین نەتانیاهۆ ڕایگەیاند،'' هەر یەکە لە دەیڤد بارنیا، سەرۆکی دەزگای هەواڵگریی ئیسرائیل 'مۆساد'، ئوفیر فالک، ڕاوێژکاری سیاسی نەتانیاهۆ بۆ گفتوگۆکردن لەسەر هەوڵەکان بۆ گەیشتن بە ئاگربەستی غەززە سەردانی قەتەر دەکەن''

 

ئەوەی لەبارەیەوە دەگوترێت: تا ئێستا وادەی سەردانیکردنی ئەم شاندە ئیسرائیلییە دیار نییە، بەڵام بەپێی زانیارییەکان نوێنەرانی ئەمریکا، فشاریان لە نەتانیاهۆ کردووە بۆ ئەوەی بە زووترین کات ئاگربەست لە غەززە ڕابگەینن.

 

بوچوونی لایەنی بەرامبەر: سەرچاوەکانی حەماس ئاماژەیان بەوەکردووە کە ڕێککەوتنێک کراوە و چاوەڕێی ڕەزامەندی کۆتایی نەتانیاهۆن.