ئەحمەد شەرع: ناتوانین سووریا لەسەر بنەمای بیری شۆرش بوونیادبنێین

ئاڤا نیوز

 

ئەحمەد شەرع، بەرپرسی ئیدارەی نوێی سووریا ڕایگەیاند، ناتوانین سووریا لەسەر  بنەمای بیری تۆڵە سەندنەوە و شۆرش بوونیادبنێین.

 

وێنە گەورەکە: دوای ماوەیەکی کەم لە کۆتایی هاتنی کۆبوونەوەکانی ڕیاز بە بەشداریی وەزیرانی دەرەوەی عەرەبی و وڵاتانی ڕۆژئاوا کە پشتیووانی خۆیان بۆ دیمەشق و بەرەنگاربوونەوەی تیرۆر لە ناوچەکە دووپات کردەوە، ئەحمەد شەرع، بەرپرسی ئیدارەی نوێی سووریا  جەختی لە هەڵوێستی خۆی بۆ  بنیادنانی وڵاتی سووریا و هەڵوەشاندنەوەی گرووپە چەکدارەکان کردەوە.

 

لێدوانی فەرمی: ئەحمەد شەرع، بەرپرسی ئیدارەی نوێی سووریا ڕایگەیاند: مەحاڵە وڵاتێک بە گرووپە چەکدارەکانەوە بوونیادبنرێت، نابێت بیری چەکداری بەسەر حکومڕانی سووریای نوێ زاڵ بێت.

 ئەحمەد شەرح گوتیشی، توانیمان سووریا لە ڕژێمی بەشار ئەسەد وەربگرینەوە و پێگەی ستراتیژی و نێودەوڵەتیی وڵاتەکەمان گەڕاندەوە.

 

باکگراوند: ڕۆژی 8ـی دیسێمبەری ساڵی ڕابردوو هێزەکانی تەحریرولشام بە سەرکردایەتیی ئەحمەد شەرع توانی کۆتایی بە دەسەڵاتی 24 ساڵەی دەسەڵاتی بەشار ئەسەد بهێنێت.