فوئاد حوسێن بۆ یەکێتیی ئەوروپا: نابێت عێراق بە تەنیا باری ئەمنی و دارایی زیندانیانی داعش هەڵبگرێت

ئاڤا نیوز

 

فوئاد حوسێن، وەزیری دەرەوەی عێراق، پەیوەندییەکی تەلەفۆنی لە کایا کالاس، نوێنەری باڵای کاروباری دەرەوە و سیاسەتی ئەمنیی یەکێتیی ئەوروپا پێگەیشت، بە مەبەستی تاوتوێکردنی پەیوەندییەکانی نێوان عێراق و یەکێتیی ئەوروپا و پەرەسەندنە ئەمنییەکانی ناوچەکە.

 

ڕاگەیێنراوی فەرمی: بەپێی ڕاگەیێنراوەکەی وەزارەتی دەرەوەی عێراق هەردوولا باسیان لە دۆخی سووریا و ئەو لێک تێگەیشتن و ڕێککەوتنانە کرد کە هاتونەتە ئاراوە، لەگەڵ تاوتوێکردنی هۆکاری پێکدادانەکان لە هەندێک ناوچە.

 

ئەوەی پێویستە بیزانیت: تەوەرێکی سەرەکیی گفتوگۆکە تایبەت بوو بە دۆسیەی زیندانیانی داعش لە سووریا، بەتایبەت هەڵاتنی ژمارەیەک چەکدار لەو زیندانانەی لەژێر کۆنتڕۆڵی هێزەکانی سووریای دیموکرات (هەسەدە) دەرچوون، لەگەڵ جەختکردنەوە لەسەر پێویستیی بەردەوامیی ئاگربەست لە حەسەکە و چارەسەرکردنی کێشەکان بە ڕێگەی ئاشتییانە.

 

- کایا کالاس سوپاسی حکومەتی عێراقی کرد بۆ ڕەزامەندیی سەرەتایی وەرگرتنی زیندانییەکان، بەڵام فوئاد حوسێن ئاماژەی بەوە کرد نابێت عێراق بە تەنیا باری ئەمنی و دارایی ئەم دۆسیەیە هەڵبگرێت، بەڵکو بەرپرسیارێتییەکی نێودەوڵەتییە و دەبێت هەموو وڵاتانی پەیوەندیدار تێیدا بەشدار بن.

 

باکگراوند: ئەم پەیوەندییە لە کاتێکدایە، ناوچەکە بە بارودۆخێکی ئاڵۆز و مەترسیداردا تێدەپەڕێت و هێرشەکانی سوپای عەرەبیی سووریا بۆ سەر زیندانیانی داعش و  ناوچە کوردییەکان مەترسی گەورەی بۆ سەر عێراق و ناوچەکە دروستکردووە.