دوو بۆمب بە کاروانێکی سوپای عێراقدا تەقینەوە؛ کوژراو و بریندار هەیە

ئاڤا نیوز

بەهۆی تەقینەوەی دوو بۆمب بە کاروانێکی سوپادا لە باکووری بەغدا دوو سەرباز گیانیان لە دەست دا و حەوت سەربازیش بریندار بوون.

زانیارییە بەدەستهاتووەکان: سەرچاوە ئەمنییەکانی عێراق ڕایانگەیاندووە، بەهۆی تەقینەوەی دوو بۆمبی چێنراو لە قەزای تارمیە لە باکووری پارێزگای بەغدا، دوو سەربازی سوپای عێراق کوژراون و حەوتی دیکەش بریندار بوون کە یەکێکیان ئەفسەرێکی پلەباڵایە. 

زانیاری زیاتر: دوو بۆمبەکە لە ناوچەی سەلمان لەسەر ڕێگای کاروانێکی هێزەکانی سوپای عێراق دانراون کە لە ئەرکێکی گەڕان و پشکنیندا بوون.

باکگراوند: ماوەیەکە تارمایی تیرۆر لە عێراق سەریهەڵداوەتەوە و ڕووداوەکانی هێرشی چەکدرای و کوشتن زیادیان کردووە، شەوی ڕابردوو هەر لە ناوچەی تارمیەی بەغدا بە ئار پی جی هێرشێکرایە  سەر ماڵ و دیوەخانی شێخێک.