لە سلێمانی دەیان خانوو پارەی کارەبای نیشتمانی نادەن

ئاڤا نیوز

لە سلێمانی دەیان خانوو و ماڵ هەن پارە نادەن و کارەبای نیشتمانییان هەیە، بەڵام تاکو ئێستا هاوبەشیی كارەبایان نەكردووەتەوە و پسوڵەیان نییە.

لێدوانی فەرمی: ئەندازیار ئەنوەر سەعید، بەڕێوەبەری گشتیی كارەبای سلێمانی بە ئاڤای وت، "ئەمڕۆ ئاگادارییەكمان بۆ دانیشتووانی سەرجەم كۆمەڵگەكانی نیشتەجێبوون لە سنووری سلێمانی بڵاوكردووەتەوە و دەبێت هەر ماڵێك كە كارەبای هەیە و بەفەرمی هاوبەشیی كارەبای نییە لە ماوەی مانگێكدا سەردانی بەڕێوەبەرایەتیی دابەشكردنی كارەبا بكات بۆ تۆماركردن و كردنەوەی هاوبەشی كارەبا و چاپكردنی پسووڵە بەپێچەوانەوە كارەباكانیان دەبڕدرێت.

زانیاریی تایبەت: بە پێی بەدواداچوونەکانی ئاڤا میدیا، بەڕێوەبەری گشتیی كارەبای سلێمانی ڕایگەیاند: بڕی پارەی ئەو مانگانەش هەژمار دەکرێت کە کارەبایان خەرج کردووە و هەموویان بە یەکەوە لێوەردەگیرێت.