سەرۆکوەزیرانی پێشووی پاکستان 14 ساڵ زیندانی دەکرێت

ئاڤا نیوز

 

دادگایەکی پاکستان عیمران خان، سەرۆکوەزیرانی پێشووی ئەو وڵاتە و بووشرا بیبی هاوژینی لە دۆسیەی گەندەڵی و بەرتیل بە تاوانبار ناساند و سزای دان.

 

لێدوانی فەرمی: عیمران خان دوای سەپاندنی سزاکە لەلایەن دادگاوە ڕایگەیاند، "هیچ ڕێککەوتنێک ناکەم و بەدوای ئەوەشەوە نیم کە بەر بدرێم."

 

ئەوەی پێویستە بیزانیت: دادگا عیمران خانی بە 14 ساڵ و هاوژینەکەی بە 7 ساڵ بەندکردن سزا دا.
 
زانیاریی زیاتر: عیمران خان لە ئابی 2023ـەوە دەستبەسەرە و نزیکەی 200 دۆسیەی لە دژ کراونەتەوە.

 

بۆچوونی لایەنی بەرامبەر: پارێزەرانی خان تۆمەتەکان ڕەتدەکەنەوە و دەڵێن، کردنەوەی ئەو دۆسیانە بۆ بێدەنگکردنی ناوبراوە.