مەزڵووم عەبدی: لەگەڵ سەرۆك بارزانی لەسەر یەكهەڵوێستیی كورد هاوڕاین

ئاڤا نیوز

 

مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) پەیامێكی سەبارەت بە دیدارەكەی دوێنێی لەگەڵ سەرۆك بارزانی بڵاوكردەوە.

 

چیرۆکی سەرەکی: ئێوارەی پێنجشەممە 16-1-2025، لە پیرمام کۆبوونەوەیەکی گرنگ و مێژوویی کرا لەبارەی ئایندەی کورد لە سووریا و ناوچەکە، سەرۆک بارزانی لەگەڵ مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) کۆبووەوە و دوایین بارودۆخی سووریا و ئایندەی کوردیان لەو وڵاتە تاوتوێ کرد.

بڵاوكراوەی فەرمی: مەزڵووم عەبدی، فەرماندەی هەسەدە لە لاپەڕەی خۆی لە تۆڕی كۆمەڵایەتیی ئێکس سەبارەت بە دیدارەكەی دوێنێی لەگەڵ سەرۆك بارزانی ڕایگەیاند: دیدارمان لەگەڵ سەرۆك مەسعود بارزانی جێگەی خۆشحاڵی بوو، ئێمە دۆخ و و گۆڕانكارییەكانی سووریامان تاوتوێ كرد.

 

مەزڵووم عەبدی ڕاشیگەیاند: لەدیدارەكەدا هەردوولا هاوڕا بووین لەسەر ئەوەی كە دەبێت هەڵوێستی كورد لە سووریا یەك بێت و گفتوگۆش لەگەڵ شام (دیمەشق) بە شێوەیەك بێت كە مافی گەلی كورد بپارێزرێ.

 

- جەختمان لەسەر گرنگیی یەكگرتوویی كورد كردەوە، هەروەها ئارامیی هەرێم (ناوچەكە) بەگشتی بەرپرسیاریێتیی هەموومانە و دەبێت لەم ڕووەوە بەیەكەوە هاوكار بین.