داهاتی عێراق بۆ هەر بەرمیلێک نەوت 11 دۆلار زیاد دەکات

ئاڤا نیوز

 

ئەمڕۆ هەینی 17-1-2025 نرخی بەرمیلێک نەوتی خاوی برێنت لە بازاڕەکانی جیهان گەیشتە 81.57 دۆلار، هاوکات بەرمیلێک نەوتی خاوی تەکساسیش بە 79 دۆلار و 15 سەنت مامەڵەی پێوەدەکرێت، ئەمەش وا دەکات ئەو داهاتەی عێراق لە نەوت دەستی دەکەوێت زیاد بکات.

 

بۆچی گرنگە: بە گوێرەی یاسای بودجەی سێ ساڵیەکەی عێراق 2023-2024-2025  بەرمیلێک نەوتی خام بە 70 دۆلار خەمڵێندراوە، بەمەش داهاتی عێراق لەهەر بەرمیلێک نەوت 11 دۆلار و 57 سەنت زیاد دەکات.

 

کاریگەریی و لێکەوتەکان: بەرزبوونەوەی عێراق، کاریگەریی لەسەر ئابووری و داهاتی عێراق دەبێت کە دەتوانێت کورتهێنانی بودجەی پێ پڕبکاتەوە.

لەلایەکی دیکە:  لەچەند ڕۆژی ڕابردوو لەمیانی سەردانەکەی بۆ لەندەن، محەممەد شیاع سوودانی، سەرۆکوەزیرانی عێراق چەندین ڕێککەوتنی نوێی لەبواری بەنەوت و وزە لەگەڵ کۆمپانیاکانی بەریتانیا واژۆکرد.