عێراق سوود لە ئەزموونی هاتووچۆی هەرێمی كوردستان وەردەگرێت

ئاڤا نیوز

 

شاندێكی بەڕێوەبەرایەتیی گشتیی هاتووچۆی عێراق بەمەبەستی سوودبینین لە هاتووچۆی هەرێمی كوردستان سەردانی شاری هەولێر  دەكات.

 

ڕاگەیێنراوی فەرمی: بەڕێوەبەرایەتیی گشتیی هاتووچۆی هەرێمی كوردستان بڵاوی كردەوە: شاندێكی بەڕێوەبەرایەتیی گشتیی هاتووچۆی عێراق بە سەرپەرشتی بەڕێوەبەری گشتی سەردانی هەرێمی كوردستانی كرد و لەگەڵ بەرپرسانی وەزارەتی ناوخۆ و هاتووچۆی هەرێمی كوردستان كۆبووەوە.

 

زانیاریی زیاتر: بەپێی ناوەڕۆكی ڕاگەیێنراوی بەڕێوەبەرایەتییەكە، سەردانی شاندەكەی عێراق بەمەبەستی سوود بینینە لە ئەزموون و شێوازی كاركردنی هاتووچۆی هەرێمی كوردستان.

 

ئەوەی پێویستە بیزانیت: لەمیانەی سەردانەکەیاندا شاندەکەی هاتووچۆی عێراق سەردانی بەڕێوەبەرایەتیی هاتووچۆی هەولێریان کرد و سەرسام بوون بە بەرەوپێشچوونی هاتووچۆی هەرێمی كوردستان، بە سوود بینین لە تەکنەلۆژیای سەردەم، بڕیاریاندا ئەم ئەزموونەی هەرێمی كوردستان بگوازنەوە بۆ شارەکانی دیكەی عێراق.