شا عەبدوڵڵای دووەم پەیامێک بۆ سەرۆک بارزانی دەنێرێت

ئاڤا نیوز

دوای ئەوەی بە سەردانێکی فەرمی سەرۆکوەزیران مەسرور بارزانی گەیشتە ئوردون و لەلایەن شا عەبدوڵلای دووەم، شای شانشینی ئوردن پێشوازی لێ کرا. شای ئوردن پەیامێکی بۆ سەرۆک بارزانی نارد.

ڕاگەیێنراوی فەرمی: سەرۆکوەزیران مەسرور بارزانی ڕایگەیاند:

- بە سەردانێکی فەرمی گەیشتوونەتە عەممانی پایتەختی ئوردن و لەگەڵ شا عەبدوڵڵای دووەم، شای شانشینی ئوردن گفتوگۆمان لەبارەی پەرەپێدانی هاریکاری و هاوئاهەنگیی نێوان ئوردن و هەرێمی کوردستان و دەرفەتەکانی فراوانکردنی لە بوارە جیاوازەکاندا کرد.

- شا عەبدوڵڵای دووەم، سڵاو و ڕێز و پێزانینی خۆی بۆ جەنابی سەرۆک مەسعود بارزانی دەربڕی.

ئەوەی پێویستە بیزانیت: تەوەرێکی دیکەی کۆبوونەوەکانی نێوان سەرۆکوەزیران بارزانی و شای ئوردن، جەختکردنەوە بووە لە گرنگیی پتەوکردنی پەیوەندیی دۆستانەی ئوردن لەگەڵ هەرێمی کوردستان و عێراق لە هەموو بوارەکاندا. سەرۆکوەزیران مەسرور بارزانی دەڵێت، "هەوڵەکانی شانشینی هاشمیی ئوردنی بە ڕێبەرایەتیی شا عەبدوڵڵای دووەممان بۆ بەدیهێنانی ئاشتی و سەقامگیری لە ڕۆژهەڵاتی ناوەڕاست، بەرز نرخاند".

لەلایەکی دیکەوە: بەشێکی دیکەی کۆبوونەوەکە، پەیوەست بووە بە باردۆخی سووریا، لە ڕاگەیێنراوەکە هاتووە؛ "دووپاتمان کردەوە کە ئاسایش و سەقامگیری سووریا، بۆ سەقامگیریی ناوچەکە زۆر گرنگە، هەروەها جەختمان لە گرنگیی بەردەوامبوونی ڕێککەوتنی ئاگربەست لە کەرتی غەززە و گەیشتن بە ئاشتییەکی گشتگیر لە سەرتاسەری ناوچەکەدا کردەوە".