ئومێد خۆشناو: ئامادەکاریی تەواو بۆ ئەم شەپۆلە بارانبارینە کراوە

ئاڤا نیوز

 

لە درەنگانی شەوی ڕابردووەوە بارانبارین لە پارێزگای هەولێر دەستیپێکردووە، پارێزگاری هەولێریش لەو بارەیەوە دەڵێت، ئامادەکاریمان بۆ هەر دۆخێکی لەناکاو کردووە. 

 

چیرۆکی سەرەکی: درەنگانی شەوی ڕابردوو شەپۆلێکی بەفر و بارانبارین ڕووی لە شارەکانی هەرێمی کوردستان کردووە، بەگوێرەی پێشبینییەکانی کەشوهەواش سبەی سێشەممە کۆتایی بەم شەپۆلە دێت، ڕۆژی پێنجشەممە جارێکی دیکە شەپۆلێکی بەفر و باران ڕوو لە هەرێمی کوردستان دەکات.

 

لێدوانی فەرمی: ئومێد خۆشناو، پارێزگاری هەولێر، بە ئاڤا میدیای ڕاگەیاند: بۆ ڕووبەڕووبوونەوەی هەر دۆخێکی نەخوازراو لەم کەشەدا، هەموو ئامادەکارییەکمان بۆ بەهاناوەچوونی هاونیشتمانیان کردووە.

 

زانیاریی زیاتر: شارەوانی هەولێر، سەری مەنهۆڵ و ئاوەڕۆکانی سەر شەقامەکانی پێشوەختە خاوێن کردووەتەوە بۆ ئەوەی لە کاتی بارانباریندا نەگیرێن و نەبنەهۆی کۆبوونەوەی ئاو و دروستبوونی لافاو.