ترەمپ لەگەڵ دەستبەکاربوونی چەند پەیامێکی ڕاگەیاند

ئاڤا نیوز

دۆناڵد ترەمپ، لە مەراسیمی دەستبەکاربوونیدا لە واشنتنی پایتەختی ئەمریکا بۆ خولی دووەم وەک 47هەمین سەرۆکی ئەمریکا سوێندی یاسایی خوارد، وتارێکی پێشکەش کرد و چەند پەیامێکی ڕاگەیاند.

وێنە گەورەکە: بە ئامادەبوونی چەندین سەرۆکی پێشووی ئەمریکا و سەرۆک و سەرکردەکانی جیهان، مەراسیمی دەستبەکاربوونی دۆناڵد ترەمپ لە بینای کاپیتۆڵ بەڕێوەچوو.

لێدوانی فەرمی: دۆناڵد ترەمپ، سەرۆکی ئەمریکا لە وتارێکدا ڕایگەیاند:

- وڵات و دەستوور و خودا فەرامۆش ناکەین.

- گەڕانەوەم دژی ڕادیکاڵەکان و گەندەڵکارانە {مەبەستی بایدن و ئیدارەکەیەتی} سەردەمی ئاڵتوونی ئەمریکا دەستیپێکرد و گەڕانەوە بۆ دواوە کۆتایی پێهات.

- هاتنی کۆچبەران بۆ  وڵاتەکەمان ڕادەگرین و تاوانباران دەنێرینەوە بۆ وڵاتەکانیان.

- لەمڕۆوە و زۆر بە خێرایی دەستدەکەین بە گۆڕینی زۆر شت، ئەو بڕیارانەی ئەمڕۆ دەریان دەکەم چەندین گرووپی تاوانکاری لە جیهاندا وەک گرووپی تیرۆرستی دەناسێنێت.

- ئەرکی منە وڵاتەکەم لە مەترسییە دەرەکییەکان بپارێزم و هەڵاوسانی ئابووری نەهێڵم  و دەرفەتی کار بڕەخسێنم.

- ئەمریکا جارێکی دیکە ڕێزلێگیراو دەبێت، لەمڕۆوە ئێمە نادۆڕێین و هەر دەیبەینەوە. چاخی زێڕین دەستیپێکرد و داهاتوو هی ئێمەیە.

- ناوی کەنداوی مەکسیک دەگۆڕین بۆ کەنداوی ئەمریکا، هەروەها ئێمە 'نۆکەندی پەناما'مان بە چین نەداوە، بۆیە وەریدەگرینەوە.

- هەموو سانسۆرێک هەڵدەگرم و ئازادیی ڕادەربڕین بۆ ئەمریکا دەگەڕێنمەوە.

- باری نائاسایی لە کەرتی وزە ڕادەگەیێنم, لەپێناو دەوڵەمەندبوونی هاووڵاتیانمان، گومرکی سەر وڵاتانی بیانی زیاد دەکەم. 

- تەنیا دوو ڕەگەز بوونیان هەیە: نێر و مێ.

باکگراوەند: ترەمپ لە ساڵی 2017 بۆ یەکەمجار وەک سەرۆکی ئەمریکا هەلبژێردرا و بووە 45هەمین سەرۆکی ئەمریکا، هەرچەندە دوای کۆتاییهاتنی ماوەکەی دووبارە خۆی کاندید کردەوە بەڵام نەیتوانی سەرکەوتن بەدەست بهێنێت، دواتر لە ساڵی 2024 دووبارە خۆی کاندید کردەوە و ئەمجارەیان سەرکەوتنی بەدەستهێنا.