ئەندامانی ئەنجوومەنی پیران و نوێنەران ئێوارەخوانێک بۆ سەرۆكوەزیران بارزانی ڕێكدەخەن

ئاڤا نیوز

ژمارەیەک لە ئەندامانی ئەنجومەنی پیران و نوێنەرانی ئەمریکا ئێوارەخوانێک بۆ پێشوازیکردن لە سەرۆکوەزیران بارزانی ڕێکدەخەن.

ئەوەی پێویستە بیزانیت: لە ئێوارە خوانەکەدا کە لەلایەن کەسایەتیی ناسراوی ئەمریکی ڕۆس پرۆ ساز کرا، تێیدا ژمارەیەکی زۆر لە سێناتۆر و ئەندامانی کۆنگرێس و بەرپرسانی حکومەتی ئەمریکی ئامادەبوون ، لەوانە :

  کۆنگرێسمان مایک تێرنر سەرۆکی لیژنەی هەواڵگری
- کۆنگرێسمان مایکل مەکاوڵ سەرۆکی لیژنەی پەیوەندییەکانی دەرەوە
- ⁠ئەندامی کۆنگرێس کەی گرنجەر سەرۆکی لیژنەی تەرخانکردنی بودجە
- ⁠کۆنگرێسمان کین کاڵڤێرت سەرۆکی لیژنەی بەرگری 
- ⁠کۆنگرێسمان مایکل وۆڵتز
- ⁠ کۆنگرێسمان جۆ ویلسن
- ⁠کۆنگرێسمان جەیک ئیڵزی
- ⁠ سێناتۆر بیل هاگەرتی
- ⁠ ڤیکتۆریا تەیلەر جێگری یاریدەدەری وەزیری دەرەوەی 
ئەمریکا و چەندین کەسایەتیی و خاوەنکار و فەرماندەی پێشووی سەربازی .

بابەتی ستراتیژی: لە ئێوارەخوانەکەدا ، ئامادەبووان بەخێرهاتنی سەرۆکوەزیران بارزانییان کرد بۆ واشنتن و پشتیوانیی خۆیان بۆ ئاسایش و سەقامگیریی هەرێمی کوردستان دووپات کردەوە.

سەرۆکوەزیران بارزانی، سوپاسی ئامادەبووانی کرد و جەختی کردەوە کە هەرێمی کوردستان وەک هەمیشە فاکتەری ئاسایش و ئارامیی و مەڵبەندی بەیەکەوەژیانی ئاشتییانەی پێکهاتە جیاوازەکان دەبێت لە ناوچەکەدا.

بۆچی گرنگە: سەرۆکوەزیران بارزانی سێ ڕۆژە بە سەردانێکی فەرمی لە واشنتنە و چەندین کۆبوونەوەی گرنگی لەگەڵ سیناتۆر و بەرپرسانی باڵای ئەمریکا کردوون، لە کۆبوونەوەکاندا پاڵپشتی بەهێز بۆ هەرێمی کوردستان ڕاگەیێنراون.