پێنج كورتە فیلم ‌لە هەولێر نمایش دەكرێن

ئاڤا نیوز

لە مەراسیم و نمایشێكی تایبەتدا، رۆژی شەممە دووی ئادار لە سینەما هەولێر پێنج كورتە فیلمی كوردی نمایشدەكرێت.

چیرۆكی سەرەكی: دەزگای كولتووری كوردڕاوم، بە هاوكاری سینەما هەولێر نمایشەكەیان رێكخستووە و فیلمەكان بەرهەمی سینەماكارانی كوردن و هەر یەكێكیان لە چەندین فێستیڤاڵی جیهانیدا بەشدارییان كردووە.

لێدوانی فەرمی: ئیدریس عەبدی، بەرپرسی فایلی سینەما لە كوردڕاوم بە ئاڤا نیوزی راگەیاند: پێنج كورتەفیلم نمایشدەكرێن دووانیان فیلمی بەڵگەیین، هەموویان بەرهەمی سینەماكارانی كوردن و لە چەندین فێستیڤاڵی گەورەی دنیا بەشدارییان كردووە و پێمانخۆشبوو بینەرانی كوردیش بیانبینن.

زانیاریی زیاتر: دەرهێنەرانی فیلمەكە لە سینەما ئامادەدەبن و دوای نمایش گفتوگۆی كراوە لەسەر فیلمەكان دەكرێت.

ئەوەی پێویستە بیزانیت: نمایشی فیلمەكان كاتژمێر چواری دوانیوەڕۆ دەبێت لە سینەما هەولێر، دواتریش لە مەراسیمێكی دیكەدا لە سلێمانیش نمایشێكی دیكە بۆ فیلمەكان رێكدەخرێت.

بۆچی گرنگە: هەر پێنج كورتە فیلمەكە كوردین، چیرۆكی فیلمەكان پەیوەندییان بە ژیانی كۆمەڵایەتی خەڵكی كوردستانەوە هەیە و بابەتەكانی لە ناو كۆمەڵگەوە وەرگیراون.