مەسرور بارزانی لەگەڵ وەزیری کاروباری ئەنجومەنی وەزیرانی ئیمارات کۆبووەوە

ئاڤا نیوز 

 

سەرۆكوەزیران مەسرور بارزانی و محەممەد قرقاوی، وەزیری كاروباری ئەنجوومەنی وەزیرانی دەوڵەتی ئیمارات لە پەراوێزی  کۆڕبەندیی ئابووریی جیهان لە داڤۆسی سویسرا كۆبوونەوە.

 

وێنە گەورەکە: سەرۆکوەزیران مەسرور بارزانی، بەمەبەستی بەشداریکردن لە کۆڕبەندیی ئابووریی جیهان لە داڤۆسی سویسرایە و چەندین دیداریی گرنگ لەگەڵ بەرپرس و سەرکردەی وڵاتانی جیهان دەکات.

 

بڵاوكراوەی فەرمی: سەرۆكوەزیران مەسرور بارزانی لە لاپەڕەی خۆی لە فەیسبووك ڕایگەیاند: ئەمڕۆ لە داڤۆس، لەگەڵ محەممەد قرقاوی، وەزیری کاروباری ئەنجوومەنی وەزیرانی دەوڵەتی ئيمارات كۆبووینەوە و  گفتوگۆمان لەبارەی برەودان بە پەیوەندی و هاوئاهەنگیی نێوان هەرێمی کوردستان و ئیمارات لە بوارەکانی ئابووری، ئاڵوگۆڕی بازرگانی، حوکمڕانیی ئەلیکترۆنی و گەشەپێدانی ئابووری و پێشخستنی توانا مرۆیی و کارگێڕییەکانی هەرێمی کوردستان کرد.

 

ئەوەی پێویستە بیزانیت: شاندێكی باڵای حكومەت و 11 وەبەرهێنەری كورد، یاوەری سەرۆكوەزیران مەسرور بارزانین لە سەردانەكەی بۆ داڤۆسی سویسرا.