سەرۆك بارزانی پەیامێكی سەبارەت بە ئاگرەكەی هۆتێل بۆڵۆی توركیا بڵاوكردەوە

ئاڤا نیوز 

 

سەرۆك بارزانی لە پەیامێكیدا سەبارەت بە ئاگرەكەی هۆتێل بۆڵۆی توركیا، سەرەخۆشی لە قوربانیانی ڕووداوەكە دەكات.

وێنە گەورەكە: ئێوارەی ڕۆژی سێشەممە 21-1-2025، بۆ ڕووداوی ئاگرکەوتنەوە لە هۆتێلی بۆڵۆی تورکیا سەرۆک بارزانی لە تۆڕی کۆمەڵایەتیی ئێکس پەیامێکی هاوخەمی بڵاوکردەوە.

 

بڵاوكراوەی فەرمی: سەرۆك بارزانی ڕایگەیاند: زۆر بەداخەوە بۆ ڕووداوی دڵتەزینی ئاگرکەوتنەوەی هۆتێلی بۆڵۆی تورکیا کە ژمارەیەکی زۆری هاووڵاتی بوونە قوربانی، پرسە و سەرەخۆشیی خۆم ئاراستەی کەسوکاری گیانلەدەستداوانی ئەو ڕووداوە دەکەم و خۆم بە هاوبەشی خەمیان دەزانم و هیوای چاکبوونەوە بۆ بریندارانی ئەو ڕووداوە دڵتەزێنە دەخوازم.

 

باكگراوند: بەرەبەیانی ڕۆژی سێشەممە 21-1-2025، یەکێک لە هۆتێلەکانی سەنتەری کایاک لە ناوچەیەکی گەشتیاریی یاری خلیسکێنەی سەر بەفری کارتاڵکەی شاری بۆڵوی تورکیا ئاگر کەوتەوە و بەهۆیەوە 10 کەس گیانی لەدەست دا و 31ی دیکەیش برینداربوون.