دوا پەیامی بایدن بۆ ترەمپ چی بوو؟

ئاڤا نیوز

لە دوا ڕۆژی سەرۆکایەتیی خۆیدا، بایدن دوا پەیام و نامەی خۆی بۆ ترەمپ بەجێهێشت، لە ڕۆژی مەراسیمی دەسبەکاربوونی وەک 47ـەهەمین سەرۆکی ئەمریکا دۆناڵد ترەمپ نامەکەی بەرزکردووە و گوتی ئەوە دوا پەیامی بایدنە بۆ من و لێتان ناشارمەوە کە ناوەڕۆکی نامەکە چی تێدا نووسراوە و دوا گوتەکانی بایدن بۆمن چین، نامەکەی لە ناو ئامادەبووان بەرزکردەوە و گوتی بایدن پەیامێکی پڕ میهرەبانی و ئیلهامبەخشی بۆ بەجێهێشتووم و هەندێک ئامۆژگاری تێدایە.

وێنە گەورەکە: ڕۆژی دووشەممە، 2025-1-20 بە ئامادەبوونی چەندین سەرۆکی پێشووی ئەمریکا، دۆناڵد ترەمپ وەک 47ـەهەمین سەرۆکی ئەمریکا سویندی یاسایی خوارد و دەستبەکاربوو. چەندین بڕیاری نوێی لە یەکەم ڕۆژی دەستبەکاربوونی واژۆکرد.

لێدوانی فەرمی: لە بارەی نامەکە سەرۆکی ئەمریکا، دۆناڵد ترەمپ گوتی: ببینن لەسەری نووسراوە 47 پەیامێکی زۆر جوانە و ئیلهام بەخشە.

بایدن بەم شێوەیە دوا پەیامی بۆ ترەمپ نووسی و گوتی، ''چێژ وەرگرە لە خولی سەرۆکایەتیت، کاری باش بکە زۆر گرنگە بزانیت ئەم  پۆستە چەندە گرنگە"

زانیاریی زیاتر: ئەم نامە نووسینە بووەتە نەریت لە کۆشکی سپی، سەرۆکی پێشوو نامە بۆ سەرۆکی داهاتوو دەنووسێت و پەیامی بۆ جێدەهێڵێت، ئەم نەریتەش دەگەڕێتەوە بۆ سەردەمی ڕۆناڵد ڕیگان کاتێک لە ساڵی 1989 نامەیەکی بۆ جۆرج ئێچ دەبلیو بۆشی باوک  بەجێهێشت و تێیدا نووسیبووی "مەهێڵە کەڵەشێرەکان (هێمایەک بۆ  دیموکراتەکان) تۆ لە ناو ببەن."