رێگای مەرزی کێلێ بەرووی شۆفێران دا دەکرێتەوە

 

ئاڤا نیوز

دوای دروستبوونی ئاستەنگی هاتووچۆ ڕێگای مەرزی کێلێ لە دەڤەری راپەڕین داخرابوو، ئەمڕۆ چوارشەممە بەڕووی گەشتیاران و شۆفێران دا کرایەوە، هاتووچۆی گەشتیار و ئۆتۆمبێل تێیدا ئاسایی دەبێتەوە.

چیرۆکی سەرەکی: دوێنێ دووشەممە بەهۆی بەفربارینی زۆرەوە هاتووچۆی ئۆتۆمبێل و گەشتیاری لە مەرزی کێلێ پەکخرا و رێگای مەرزەکە بە تەواوەتی داخرا.

لێدوانی فەرمی: سەرچاوەیەک لە مەرزی کێلێ، تایبەت بە ئاڤا میدیای ڕاگەیاند: دوای دروستبوونی ئاستەنگی هاتووچۆ لە مەرزی کێلێ ئێستا مەرزەکە بە ڕووی گەشتیاری و بازرگانی کراوەتەوە و هاتووچۆ ئاسایی بۆتەوە، بەڵام بەستەڵەک و بەفر هەر ماوە.

زانیاریی زیاتر: مەرزی كێلێ یەكێكە لە دەروازە سنوورییەكانی نێوان هەرێمی كوردستان و رۆژهەڵاتی كوردستان و ئێران، رۆژانە نزیكەی 150 تا 200 بارهەڵگر و 800 گەشتیار لەرێگای ئەو دەروازەیەوە هاتووچۆ دەکەن، كەرەستەی بیناسازی و پیشەسازی لەوێوە هاوردەی هەرێمی كوردستان و عێراق دەكرێن.