محەممەدی حاجی مەحموود: كەس هێندەی محەممەد شیاع سوودانی دژی كورد نەبووە

ئاڤا نیوز

سکرتێری حیزبی سۆسیالیست دیموکراتی کوردستان ڕەخنە لە چوونی شاندەکانی هەرێمی کوردستان بۆ بەغدا لەبارەی مووچە و بودجە دەگرێت و دەڵێت، شەرمەزارییە. هاوکات ئاماژە بەوەش دەکات، كەس هێندەی سوودانی دژی كورد نەبووە.

 

وێنە گەورەکە: ئەمڕۆ چوارشەممە 22-1-2025، محەممەدی حاجی مەحموود بۆ میدیاکانی حیزبەکەی قسەی کرد و لە دیدارەکەدا کۆمەڵێک بابەتی ورووژاند و تیشکی خستە سەر گۆڕانکاری و پێشهاتەکانی ناوچەکە و کێشەکانی نێوان هەولێر و بەغدا.

لێدوانی فەرمی: محەممەدی حاجی مەحموود، سکرتێری حزبی سۆسیالیست دیموکراتی کوردستان ڕایگەیاند:

- كەس هێندەی محەممەد شیاع سودانی، سەرۆکوەزیرانی ئێستای عێراق دژی كورد نەبووە.

- دەشڵێت، کاتێک سەردانی هەولێری کرد،  پێم گوت، لەو كاتەی تۆ سەرۆکوەزیرانی عێراقیت، دادگا زۆرترین بڕیاری دژی هەرێمی کوردستان داوە.

- سودانی بە یاسا و بە هێمنی كاردەكات تەنانەت نەوتی هەرێمی کوردستانی لە پاریسەوە ڕاگرت و سەرچاوەی داهات و قوتی خەڵكی كوردستانی ڕاگرت و پەرلەمان و كۆمسیۆنی كوردستانیان هەڵوەشاندەوە.

- پرسی مووچە هەمووی لە لای سوودانییە نەک تەیف سامی، تەیف سامی ڕەنگە دراوسێكەی خۆشی نەیناسیبێت، ئێستا هەموو دونیا دەیناسێت، لەبەرئەوەی میدیاکان گەورەیان کرد.

- ئەو هەموو چوونە بۆ بەغدا بۆ بودجە و مووچە مایەی شەرمەزارییە، ئەمە دانووستان نییە، بەڵکو تەسلیم بوونە.