سەرپێچییەکی گەورە لە بەرنامەی پاراستنی کۆمەڵایەتی ئاشکرا دەبێت

ئاڤا نیوز

 

وەزارەتی دارایی عێراق بەردەوامە لە چاکسازی لە مووچەی مووچەخۆران و بە ئەلیکترۆنیکردنیان بە ئامانجی هێنانە کایەی شەفافیەتی زیاتر و دەستبەرکردنی چاکسازی زیاتر، سەرەڕای ئەوەش وەزارەتی کار و کاروباری کۆمەڵایەتی عێراق دەڵێت: 230 هەزار سەرپێچیکارمان لەسەر بەرنامەی تۆڕی پاراستینی کۆمەڵایەتی ئاشکرا کردووە.

 

وێنە گەورەکە: وەزارەتی دارایی عێراق چەندین جار ڕەخنەی لە هەرێمی کوردستان گرتووە لەسەرەی گوایە لیستی مووچەی فەرمانبەرانی کێشەی تێدایە و پێویستی بە پێداچوونەوە و بە ئەلیکترۆنیکردن هەیە، بەڵام تاوەکو ئێستا وەزارەتە خۆی کێشەی لە جیاکردنەوەی مووچەخۆری شایستە و نا شایستە هەیە.

 

لێدوانی فەرمی: نەجم عەقابی، وتەبێژی وەزارەتی کار و کاروباری کۆمەڵایەتی ڕایگەیاند: "دوای ئەوەی پێداچوونەوەمان کرد بەلیستی ناوی ئەو کەسانەی مانگانە بیمەی چاودێری کۆمەڵایەتی وەردەگرن، بۆمان دەرکەوتووە کە 230 هەزار ناوی تێدایە کە بەهیچ شێوەیەک ئەو بەرنامەیە نایانگرێتەوە. 

 

زانیاریی بەدەستهاتوو: لەو ژمارە ناوەی کە ئاشکرا کراون ناوی فەرمانبەری حکومی و ناوی دووبارە و مردوشی تێدایە کە تاوەکو مانگی ڕابردووش هەموو مانگێک 34 ملیار و 500 ملیۆن دیناریان لەخەزێنەی دەوڵەت سەرفکردووە.