ئانۆ جەوهەر: هەرێمی کوردستان بەردەوامە لە بەرگریکردن لە بەها دیموکراسی و ئازادییە ئایینی و نەتەوەییەکان

ئاڤا نیوز

 

وەزیری گواستنەوە و گەیاندنی هەرێمی کوردستان بەیاوەری نوێنەری حکومەتی هەرێمی کوردستان لە واشنتن دیدارێکی لەگەڵ جێگری یاریدەدەری وەزیری دەرەوەی ئەمریکا بۆ کاروباری عێراق و ئێران ئەنجاماندا و تاوتوێی چەندین تەوەریان کرد.

 

وێنە گەورەکە: ڕۆژی 23ـی 1ـ 2025 ئانۆ جەوهەر، وەزیری گواستنەوە و گەیاندنی هەرێمی کوردستان و تریفە عەزیز، نوێنەری حکومەتی هەرێمی کوردستان لەگەڵ ڤێکتۆریا تەیڵەر، جێگری یاریدەریی وەزیری دەرەوەی ئەمریکا بۆ کاروباری عێراق و ئێران کۆبووەوە و تاوتوێی دوایین پێشهاتەکانی ناوچەکە کرا، لەوانە پابەندبوونی حکومەت و سەرکردايەتی سیاسیی هەرێمی کوردستان بۆ دەستەبەرکردنی نوێنەرایەتیی گونجاوی کلدان، ئاشووری، سریانی-ئارامی، ئەرمەنی مەسیح و پێکهاتە نەتەوەیی و ئایینییەکان لە حکومەتی نوێدا کە دەبێت بەم زووانە لە هەرێمی کوردستان پێکبهێنرێت.

 

لێدوانی فەرمی: ئانۆ جەوهەر، وەزیری گواستنەوە و گەیاندنی هەرێمی کوردستان لەبارەی کۆبوونەوەکە ڕایگەیاند،  گفتوگۆیەکی بەرفراوانمان لەگەڵ  ڤێکتۆریا تایلەر کرد، سەبارەت بەو قەیرانانەی کە لەبەردەم گەلی کوردستان و گەلی عێراق بە گشتی، ڕووبەڕووی گەلەکەمان، کلدان، ئاشووری، ئارامی سریانی، ئەرمەنی، ئەندامانی پێکهاتەکان بە تایبەت لە دۆخی ئێستای ناوچەکەدا. 

 

• هاوکات جەختمان لەسەر پابەندبوونی حکومەتی هەرێمی کوردستان لە بەرگریکردنی بەردەوامی خۆی لە بەهاکانی دیموکراسی و ئازادییە ئایینی و نەتەوەییەکان کرد، بە بەهێز کردنی کولتوری لێبوردەیی و لێکتێگەیشتن کە هەرێمی کوردستان هەمیشە فاکتەری ئاشتی و سەقامگیری بووە لە ناوچەکەدا و ئەمەش لە واقیعی پێکەوەژیان لە هەرێمی کوردستاندا ڕەنگدانەوەی هەیە، سەرەڕای ئەو هەلومەرجە سەختەی کە ناوچەکە پێیدا تێپەڕیوە.
•  

- جەختمان لەسەر ئەوە کردەوە کە ئەم قەیرانانە لە لایەن بەشێک لە هێزە سیاسیەکان کە زاڵبوون بەسەر جومگە گرنگەکانی دەوڵەت لە بەغدا وەک کارتێکی فشاری سیاسی لەسەر هەرێم دروستکراوە و بەکاردەهێنرێ لە پێناو هەڕەشە کردن لە قەوارە دەستورییەکەی هەرێمی کوردستان کە ئەمەش پێچەوانەی دەستورە، کە ئەم هێزە سیاسیانە لە بەغدا ئەم هەڵسوکەوتە هەڵەیە ئەنجام دەدەن بەبێ لەبەرچاوگرتنی بارودۆخی سەختی هاووڵاتییان.