پوتین: ترەمپ هەڵەکانی بایدن دووبارە ناکاتەوە و سزای ڕووسیا نادات

 

ئاڤا نیوز

ڤلادیمێر پوتین سەرۆکی ڕووسیا ڕایگەیاند، دۆناڵد ترەمپ سەرۆکی ئەمریکا هەڵەکانی بایدن سەرۆکی پێشووی ئەمریکا دووبارە ناکاتەوە و سزای ڕووسیا نادات.

چیرۆکی سەرەکی: ڤلادیمێر پوتین سەرۆکی ڕووسیا بایدنی سەرۆکی پێشووی ئەمریکا بە زیان گەیاندن بە ئابووری ئەمریکا و ڕووسیا تۆمەتبار دەکات و دۆناڵد ترەمپ سەرۆکی ئێستای ئەمریکاش بە کەسێکی ژیر ناو دەبات.

لێدوانی فەرمی: ڤلادیمێر پوتین سەرۆکی ڕووسیا ڕایگەیاند: گومانم هەیە دۆناڵد ترەمپ سەرۆکی ئەمریکا بڕیاری سزادانی ڕووسیا بدات و زیان  بە ئابووری ئەمریکا بگەیەنێت، بەوجۆرەی بایدن سەرۆکی پێشووی ئەمریکا ئەنجامیدا، تەنانەت وێناکردنی ئەوە بۆ من قورسە چونکە دۆناڵد ترەمپ کەسێکی ژیرە و پێش ئەوەی بڕیار بدات بیر لە بەرژەوەندی ئەمریکا دەکاتەوە.

باکگراوند: دوای دەستبەکاربوونی دۆناڵد ترەمپ لە پۆستی سەرۆکی ئەمریکا، هەردوو هاوتا ڕووسی و ئەمریکییەکە ئامادەیی خۆیان بۆ کۆبوونەوە و گفتوگۆکردن لەسەر دۆخی ناوچەکە دەربڕی، و دۆناڵد ترەمپ لە مەراسیمی دەستبەکاربوونی بەڵێنیدا کۆتایی بە جەنگی نێوان ڕووسیا و ئۆکراینا بهێنێت.